Dev Kakutichem bhoktiponn Faustina Kowalska he Poloni Madri-bhoinnin survatek aplea ganvant porgottlem. Bhagevont Pap Saib Juanv Paulu II hannem Madr Faustina-k altaracho man favo kelo ani Dev-kakutichi porob Igorjent sthapunk formailem. Hi porob Jezunuch Madr Faustina kodde magloli.
\nTea adim 12vea xekddeant Jezun Bhoktivont Juliana kodde Aplea Kuddi-Rogtachi (Corpus Christi) porob magleli. Pap Saib Urban IV hannem ti porob sogllea sonvsarak dili. Tea uprant 17vea xekddeant Jezun Sant Margarida Alacoque he mottvaxi bhoinni kodde Aplea Povitr kallzachi Porob magli. Ti Porob Bhoktivont Pap Saib Pius IX \u2013 hannem 1856 vorsa akhea sonvsarak somorombunk formaili.
\nJezun amkam Sant Faustina vorvim Aple kakutiche panch upai dovorleat (The 5 essential elements of Divine Mercy)<\/p>\n
1. Chitr (Devacho Rupkar)
\nJezun Madr Faustina-k sanglem \u201cTunvem pollelam tea pormonnem chitar ani sokla him utram boroi \u2013 ‘Jezu, hanv Tujer patietam’ \u2013 Mhaka zai hea chitrak poilo tumchea kopelant man dilolo ani uprant sogllea sonvsarant\u201d.
\nHea don torechea kirnnachi somzonni Jezun madr Faustina-k dili. Kirnnam hea chitracher dakoitat rogot ani udok jim mhojea kallzantli kakutichi zor koxi vhanvlim, jednam khursar eka bhalean mhojem khontibhorit kalliz vidarlem. Tor tambddim kirnnam Jezuchem omollik rogot jem vortovta otmeachem jivit zalear dhovim kirnnam khunnaita udok jem dhuvun kaddta amcho Atmo. Him kirnnam samballtat monxeak mhojea Bapachea ragantlo. Zo konn hea kirnnamchea asrea khal jieta to khorench sukhi, kiteak thoim kednanch niticho hat pavchona. He imaji vorvim hanv monxank sabar dennim ditolom mhonn, Jezun madr Faustina-k bhas dili.<\/p>\n
2. Kakutichi Porob
\nJezu Madr Faustina lagim magta \u201cMhaka paskam uprant poilea aitara dis Kakutichi porob keleli zai\u201d (Second Sunday of Easter). Jezu bhasaita ‘Mhoje dhuve, Mhoje sor naslele kakutichi khobor sogllea sonvsarak porgott, hi porob soglleam otmeank odik korun chodd goroz asleleank. Tea disa mhojea kakuticho sagor ugto zatolo. Hanv hea otmeancher kurpecho pavs votoitolom. Je konn mhoje kakuti sorxim ietat ani tea disak kumsar ani Krist prosad ghetat tankam, patkanchem ani khastichem purnn bhogsonnem favo zatolem. Konnench mhoje sorxim ieunk bhieunchem nhoi. Kitlim-im vhodd tim patkam zaum. Hi porob, mhoje bhair sorlia ani mhojea kakutichea sagorar tharaileli asa. Zoxe bhaxen ami amchea bautizma disak kurpen bhoron sarkim ek anj-bhoddvea porim patka mekllim zaleant toxench Dev aiz amkam anik ek dis favo korta sarkim nitoll ani nirmoll zaunk. Kedem vhoddlem dennem hem. Hem fest zaun asa Devan sorgar thaun amche lagim maglolem.<\/p>\n
3. Devache Kakuticho Ters
\nHo Ters mhunnttat tea otmeank zaiti kurpa hanv ditolom. Konn ho Ters korta, mhoji kakut taka vengoitoli ani tanchea jivitant taka samballtoli ani odik korun mornnachea vellar. Padrimnim ho Salvasanvacho nimanno upai mhunn patkeank kollounchem Mhaka zai mhoje kakutichi khobor sogllea sonvsarak porgottloli.<\/p>\n
4. Dev Kakutichem noven
\nChouto upai Jezun dila to Devache kakutichem noven jem suru korchem nimannea Sukhrara, Jezuchea mornnachea disa. Jezu oxem mhonnta \u201cHea nov disamnim tunvem mhoje kakutiche zhorik otme addlele mhaka zai hea vorvim tanchea jivitachea addkhollimnim, odik korun mornnachea vellar ghottai, bhuzvonn ani soglli kurpa tankam mellcheak. Disachea disa ek otmeancho zomo add, ani tankam mhoje kakutichea somdirant buddoi\u201d.<\/p>\n
5. Tin horancher kakutichem magnnem
\nDevache kakuticho panchvo upai mhollear donparchea tin horancher mhonnchem magnnem. Hem hor Devache vhoddle kakutichem. Hea horar ami Jezuchea koxttancher niall korun, khursachi vatt korun, Povitr sonvskara fuddem bhettounni korchi. Punn ami tor amchea kamant guntun asanv zalear, ogeponnim Devak ek lhanxi bhett korchi, Tachea koxttancher iloso niall korun.
\nAmche firgojent hem Dev kakutichem devosanv fattlea tin vorsam pasun chalu asa. Hea zomeantle vangddi chukoinastanam donparchea tin horar ieun Dev kakutichem magnnem kortat. Hea zomeantlea vangddeamnim aplea jivitant hea magnneacho foll onnbhovla. Tanchea jivitant milagri-ojapam ghoddleant. Zaitim amche firgojentlim bhavam-bhoinnam Jezuche kakuticher visvass dhovrun Aplea jivitachi yatra tim kortat. Ami dor eklean Jezuchi kakut onnbhovun dusreank kakutiche nomunne zaunk vavurchem.
\nZo konn Devache kakutichi bhokti korta tannem aplem gorv, podvi, vhoddponn, apsvartiponn soddun diunk goroz. Hea devosanvam vorvim ami doiallponn ani kallzachi lhanvikai apnnaun, kakutiche sagor zaunk Jezu amkam apoita.
\nAmche firgojent ani vaddeant amchem mukhel fuddariponn, amche firgojeche proxnn, amchi podvi, amche ghorabe, amchem xikxonn, amcho vavr-dhondo, zonn ekleachem khasgi jivit, sogllem Devachea hatant ghalum-ia.
\nJezuk ekuch zai, ami sadeponnan ani sogllea visvasan porgottlolem \u201cJezu hanv tujer patietam\u201d \u201cJesus I Trust in You\u201d.<\/p>\n
\nPadr-Kur
\nFr. Gregorio Cruz<\/p>\n","protected":false},"excerpt":{"rendered":"
Dev Kakutichem bhoktiponn Faustina Kowalska he Poloni Madri-bhoinnin survatek aplea ganvant porgottlem. Bhagevont Pap Saib Juanv Paulu II hannem Madr Faustina-k altaracho man favo kelo ani Dev-kakutichi porob Igorjent sthapunk formailem. Hi porob Jezunuch Madr Faustina kodde magloli.<\/p>\n","protected":false},"author":1,"featured_media":0,"comment_status":"closed","ping_status":"open","sticky":false,"template":"","format":"standard","meta":{"footnotes":""},"categories":[7],"tags":[],"class_list":["post-946","post","type-post","status-publish","format-standard","hentry","category-pormoll"],"_links":{"self":[{"href":"http:\/\/www.stsebastianaquem.com\/web\/wp-json\/wp\/v2\/posts\/946","targetHints":{"allow":["GET"]}}],"collection":[{"href":"http:\/\/www.stsebastianaquem.com\/web\/wp-json\/wp\/v2\/posts"}],"about":[{"href":"http:\/\/www.stsebastianaquem.com\/web\/wp-json\/wp\/v2\/types\/post"}],"author":[{"embeddable":true,"href":"http:\/\/www.stsebastianaquem.com\/web\/wp-json\/wp\/v2\/users\/1"}],"replies":[{"embeddable":true,"href":"http:\/\/www.stsebastianaquem.com\/web\/wp-json\/wp\/v2\/comments?post=946"}],"version-history":[{"count":1,"href":"http:\/\/www.stsebastianaquem.com\/web\/wp-json\/wp\/v2\/posts\/946\/revisions"}],"predecessor-version":[{"id":950,"href":"http:\/\/www.stsebastianaquem.com\/web\/wp-json\/wp\/v2\/posts\/946\/revisions\/950"}],"wp:attachment":[{"href":"http:\/\/www.stsebastianaquem.com\/web\/wp-json\/wp\/v2\/media?parent=946"}],"wp:term":[{"taxonomy":"category","embeddable":true,"href":"http:\/\/www.stsebastianaquem.com\/web\/wp-json\/wp\/v2\/categories?post=946"},{"taxonomy":"post_tag","embeddable":true,"href":"http:\/\/www.stsebastianaquem.com\/web\/wp-json\/wp\/v2\/tags?post=946"}],"curies":[{"name":"wp","href":"https:\/\/api.w.org\/{rel}","templated":true}]}}