“Mhoje Sovem Rigun Ravat” — Jn. 15:4
Apurbaiechea mhojea bhavam-bhoinnano,
Mogacho Noman!
Ami Agostacho masik amche Firgojecho “PORMOLL”-acher aslolea, Jezuchea utramchem amontronn niall korum-ia.
“Mhoje Sovem Rigun Ravat” — Jn. 15:4
Eka khandean apnnem follam diunk zainant, zorui zaddak chittkun ravlea xivai. Tech porim amchea kristi jivitant Jezuk rigun ravunk zai, hem zatelem ami Magnneantlean, Povitr Misache bhettentlean ani Povitr utrantlean ani dusream sovem seva chakri appnnailear.
“PORMOLL” nanv khunnaita ami Khristanv boro pormoll Kristacho. Ami ho pormoll ximpddaunk tozvit korunk zai amchea ghorant, Povitr sobhent, vaddeant, ganvant ani xallent.
Kristant jivit rigun raulear ami dusreank mog, bhogsonnem, doia ani bhorvanso zaunk pauteleanv.
Amcho Vorsacho vixoi: “Mhoje Sovem Rigun Ravat” ek naro (slogan) nhoi. Punn disa dispottem borem jivit jieun, magnnean thir ravun, eka mekachi mogan seva korun, Kristache khore Xis zaun, xanti ani mog him follam utpon korunk axeteleanv.
Sorgimchi Mai sodanch Jezunt rigun ravli. He Maie lagim mag. Ami sodanch tichea putak visvaxi raunk sogllea vellar ani soglle suvater.
Hanv soglleank dhinvastam zannim ho “PORMOLL” masik uzvaddak haddunk adhar kela, odik korun Somitichea vangddeank, tanchea gunna ani boreponna vorvim hem sogllem ghoddtta.
Devn soglleancher Aplim Kurpechim axirvadachim dennim raxinim otoum.
Tumche Sevek,
Fr. Ubaldo Fernandes
Padri – Vigar