Iere, Iere Pausa, Tula ditam paisa, paisa zalo khotto ani Paus ailo motto. Oxi amche modem ek mhonnim asa. Vell bodollo ani kallui bodollo ghimacho kall somplo ani pausacho kall suru. Ghormi zatali ti sompli ani xitoll vatavoronn suru zalem. Zadd pedd sukem diso tem atam jivall zalem. Zomin pausan fugli ani hirvem hirvem, tonn disunk laglem. Zadd pedd jivall zalem ani nisorg sogllench hansunk laglem Pritvechem rup soglem jivem zalem. Suttio sompun atam Bhurgim Iskolak ani Collegik vosunk laglim. Toxench novem Ghonvllik voros suru zalem. Xikxonnik mhollar Vidiarti Iskol kobar korun Collegint paul martat toxem Xikxok anchi adoll bodollnim zata. Toxich Firgojent vaurtolea Ghonvllianchi adoll bodollnim zata. Konknnin ek mhunnim asa Ailolo Monis vochunkuch zai. Thodde zaitea kallan zalear dusre thoddeach tempan. Fr. Josely ani Fr.Agnelo, tumche Iadnik ekach vorsan vetat tori astana Gonvllik vaur korunk zai aslo tho voros bor kelo. Amkam Gonvllik vaur korunk zaiteamnim borpur adar dilo soglleank tumkam nanv ghe nastanam Dev borem korum mhonnttanv.
Povitr Sobha jivi urunk Jezuchea nanvan dusre Iadnik ietat ani Gonvllik vaur chalu dovortat. Fr. Simplicio, novo Vigar amche firgojecho zaun asa. Ami taka mae mogacho ievkar diumya.Vigarak adar korunk amche Firgojent ieta Fr. Anil kumar. Mae mogacho ievkar tuka.
Boro Gonvllik onbhov tumkam quemchia firgokaram modem anvddetanv.
Fr. Josely ani hanv Fr. Agnelo, tumkam soglleank Dev borem korum mhonnttanv Devacho axirvad sodanch tumcher asum mhonn magtanv
Parist Priest
Fr. Agnelo Rodrigues