Maiacho mhoino purumentacho mhoino zaun asa. Sogllo lokh pausa panneak sugur korunk zaitem Purmentachea festak Gheun dovortalim Zaum tho tandull ghotto vo Mirsango, ollsannem, Para ani Lonnchem ani pausak lagu zateleo torekvar vostu.
Ghoramche nholle portun saf vo nitholl korunk zai asle, Vanxe vo Kambi piddear zalear theo kaddun dusreo Kambi ghalunk zai asleo.Ho ghoracho vaur korta astanam pausallo lagim pavla oxem distalem.Sogllo lokh toyarek lagtalo saf sufai kortalo oxe toren amchem jivit choltalem.
Vorsam zaun ghelim ani atam vellacho orthuch bodol’lo. Atam khuimchai kallar paus ieta ani paus ieunk zai aslo tednam koddok koddok voth marta. Koslem koddok voth khaun xim poddtalem tem atam sogllem bodol’lam. Atam moniskulluch bodol’la mhonnllear chukichem zaumchenam. Adim Aimori ghantt vazli mhonnttoch sogllo lokh ap-aplea ghora portotalo punn atam mudar zalam, atam Aimori zata tednam ghorantlim bair sortat.
Ghorant sangatim boson disak ek tori jevonn jevtalim. Ghorant jevonn asa punn ami porot porot jevnnak bair vetanv.
Ami koslo purment korcho asa? Amchea jivitacher nodor marumya, ghoddiek amche sombondh ami novean bandche vo ghott korche asat. Amchia Xepai Xemai sovem natem odik ghott korunk ami tankam bhett korchi asa? Tanchi khobor gheumchi asa? Acher ami vichar korchi ghoroz asa. Mhaka konn borem korta takach hanv borem kortam zalear tuvem oddlexem kitem kelem? Tolkarui toxench korta nhoi? Oxem amkam Jezun mhonntlolem ki na?
Tor atam ami kitem korumya? Zoxem ami Pausalleak toyar zatanv toxench ami jivitant toyar zaumya.Moddlolem vo tuttlolem natem (relationship) ami bhett diun novean bandumya.
Zanntelim asat tanchean amche sorxim ieunk zainam tankam ami bhett korumya, pausallo ieumche adim amchem natem portun bandumya, namtor pausallo ietoch kainch korunk zaumchem nam. Toxemch mortoch bhettek vochun faido nam.
Fr Agnelo Rodgrigues
(Parish Priest)