Agostache 15 tarker amkam Bharat
desache Kristi porjek ek dupett khuxalkai -echo dis: eke vatten Ankvar Mariechokuddi-otmea soit sorg-proves ani dusre vatten amcheadesache svotontrtaiecho dis.
Heam donui ithiasik ghodditam modhem ek kherit sombondh amkam disun ieta. Tankam dogaim zonnank ami AVOI mhunn pachartanv:
Ankvar MARIAJezuchea sorv pattlavdarank sorginchi Avoi zalear BHARAT dês, hea mahan prantant axil’lea mon’xank ek Avoi zata. Sangchem mhollear amkam, Jezuchea pattlavdarank ekuch nhoi punn panch avoiô asat:
a. Poile svater hea sonvsarant amkam zolm dila ani aplea mogan revddaileat, jivitachimpoilimpanvlammarunk amkamxikoilamtiostori amchipoiliAvoi.
b. Tea uprant amcho maim-des amchi dusri Avoi. Tichem karya amcho poramôs korunk, amche hôkk rakhun dovorunk ani khore nagrik koxe vaddonk favo teo sovloti amkam favo korunk; punn dusre vatten amchea desachea udorgoti pasot vavrunk, soglleank bhov korun goribank ani lhan vorganchea mon’xank aple hôkk mellunk iotn korunk, amchea desachi girest sonskrutai sambhallunk, poriavoronn ani desachi soimbik girestkai fuddle pillgek rakhun dovrunk amchem mukhi kartavya.
c. Tisre svater Povitr Sobha amchi Avoi, karann povitr snana vorvim ami tiche put-dhuvô zaleanv ani bhavponnachem natem amche modhem utpon zalam. Aple xikovnnen ani povitr sonvskaram vorvim ti amkam pôsta ani amchem Kristi jivit mozbut korta.
d.Chovte svaterMaria,Jezuchi avoi amchichAvoi zata:Jezukzolmdiunamkam-i eke vichitr toren tinnem zolmak haddleat, Jezuchea khursa mullim ubi ravun tinnem amche soddvonnechea vavrant aplo kherit tenko dila aniJezun tika amchi avoikoxi ani amisogllimticheo put- dhuvômunn sobhemazarjahirkelam. e. Xevttim hi Prithvi zoim ami jietanv ani asanv khoreponnim amchi Avoi ti:
hemsotachi amkamhalinch zagrutaimel’llea.Eke vatten ti amchemudarposonn korta, pik-palló amchemjevonn koxemanitan bagounk udok amkamdita.Punn dusre vatten he Avoik rakhunk ani sambhallunk zaun asa amchem karya. Ti vidrup zal’li ami polletanv, tiche angantli sokot unnem zait veta, ti khub gorib zaunk pavlea, ani hachem karann mhollear mon’xacheô apsvartik vonddanvneo: ispa bhair ani zatla title vegim girestkai zoddun gheunk soimbik sämpaticho shoshann/exploitation ofnaturalresources nas chaluch asa…
Hea svotontraiechea disa dusri ek vost amche dolleam mukhar dovorchi, ani ti mhollear Maria,Jezuchi ani amchi Avoi zaun asa ek purnn svotontr ostori/a
woman totally free.
Amcho dês British Raj-ache khala aslo tedna amkam sotya nasli, sumar navvat /90 vorsam British sorkaran amcher raj choloilem, gulamxaient amkam dovorlim punn amchea svatantrya zuzareanchea lamb ani khottin sandarsha/struggle uprant amchea desan svotontrtai zoddun ghetli. Ankvar Maria Jezuchi avoi aplea jivitache poilech ghoddiek taun patka meklli asli, Devan tika patkachi savlli legun lagonk diunk na: Khotavinn gorb-sombhovloli/Immaculate Conceptionmhunnon tika ami man ditanv.
Ticho orombh patka-mekllo zalo zalear ticho xevottui tosoch, tichi sonvsarantli yatra somplea uprant sogllea kusddeponnantli ti meklli urli.
Tichi povitr kudd, Devachea Putachem jivem devmondir zal’lem mhonntoch, Devan kusonk nirmunk na punn kuddi-otmea soit tika sorgar vheli, mornnacher ani patkacher ti zoitivont zali.
Rajkiya svotontrtai amkam favo zali, punn dusre torechea gulamponnant jievpachi xokyata amkam asa mhonntoch ami zagrut ravunk chodd gorjechem. Bhagevont Paulu hacher lokx ghalun Galatkarank oxem boroita, “Devan tumkam svotontr zaunk apoileant mhonnttôch thir ravat, ani novean gulam’ponnachem zum tumcher gheum nakat; svotontrtaiechea niban mat patki soimbacheô khuxiô pallinakat, hachê svater ekamekachi pritimogan seva korat. (Gal 5:1.13)
Amchea Bharat desak svotontrtai mell’li khori punn amche Jawans – he dairyavont soinik – dis ani rat, pavsant toxem borfant khup oddchonneank kalljidarponnan fuddó korun amchea raxtracheo ximô rakhtat, dusmanank bhitor sorunk dinant, aplem jivit dhokeant ghalun/risking their lives amchea desachi rakhonn kortat.
Dhormdut Pedru oslench kitem amkam sangunk sodhta: otmik dusmanamche, amche kuddichea vonddanvnneanche ami gulam zaina zaunk, sodanch zagrut ravunk uló korta, karann “tumcho dusman, gôroz ghaltolea xinva sarko, apnnak konn-ui girasunk sampddot gai mhonn polleun tumchê bhonvtonnim firot asa. Devacher thir bhavarth dovrun, taka virôdh korat”(I Ped 5, 8-9).
Dev-bhokti ani dês-bhokti hatant hat ghalun cholunk zai mhunnttoch ami Jezuchim pattlavdaram Bhagevont Mariechea adharan amchea desa pasot pott’tiddken vavrum-ia: onitichim durgam moddun, tore-torechea vaitt banddavollincher zuz manddun ani soglle torechem meklleponn amchea desachea bhavam-bhoinnink mellun gheunk amche iotn chalu dovrum-ia, ani amcho maha-kavi Rabindranath Tagore-achem orthaborit prarthon amchench prarthon zaum-di: “Zoim bhirant naxil’lem mon ani unch ubharloli tokli asta…toslea svotontraiechea svärgdesant, Bapa, mhozo dês zago zaum so kor/Where the mind is without fear and the head is held high…into that heaven of freedom, my father, let my country awake.
BHARAT MATA KI JAI
Fr Anil Kumar