Mogall Firgozkaramno,
Aiz 19ver Febrer-ache, Bhag. Sebastiao-achi porob korunk soglleank ek vhodd kuxalkai. Jevonn khann aslearuch fest nhoi. Punn festa borobor anik dusreo ier vostu bi ekdom gorjecheo.
“It is not the quantity of meat, but the cheerfulness of the guests, which makes the feast”. Oxem Edward Hide mhonnta. Sodam baxen, punn he pautt odik sompeponnan festachi toiari korunk. soglleank mell’lem. Adle von he pautt bore baxen Novenam ani tache borobor vochunk Igorje bhailean-bhitorlean nettounk, sevadhorm korunk, misa uprant vaddeachem canteen, bhurgeanchem kermes, S.S.V.P. hanchem Jumble Sale korunk odik umed zali tem polloun ekdom kuxalkai disli. Bhurgim toxim vaddlolim sod’dam ekthaim ietalim tem odik borem zalem.
Festa disa ghoddie zaiteanger soirim, bhav-bhoinn, ixttam bi ailim astelim. Soirim nastanam Fest disonam. Punn Festachi umed soireancher odik vaddta ani choddta. Festa disa mhonn tumi zaitem randlem. Punn meza sorv-bhonvtim gozali marunk ani jevunk konn nam zalear sogllem ritem dista. Jevnnachi ruch legun lagonam. Aiz jevonn, konnager nam? Aiz amkam jevnna bonvtonnim odik mon’xam zai. Aplim mhonntolim mon’xam amkam zai. Hea fattleam vorsamnim ghorant mon’xam unnem zait gheleant. Kitem jevta ani kitem khata tem vicharunk legun ek-ek pautt konn asonam. Kednaim fokot video calling korun jevnnachi plate eka-mekak dakhoitat ani kuxal zal’le baxen kortat.
Ho “Pormoll”-acho lekh tumi vachtat mhollear jevnnacheo boxeo ani randpacheo handdio dhu-un jevnnacho pormoll legun somplo astolo. He pautt Festachea nimitan tumger konn tori ascho ani tumcho dis kuxalkaien sarcho mhonn mhoji as (longing) asli. Karann kitlem jevonn nhoim, punn jevnna bonvtonnim kitlim kuxal mon’xam tumchea sangata aslim, hem ki amchem Fest korta.
Tumkam soglleank Bhagevont Sebastiao-achi kuxalbhorit Porob vo Fest anvddetam. Kha-jeu, anik il’lem jevonn ghe monnunk tumgher konn tori aslo astolo mhonn somzotam. Hea amchea patrona baxen tumi sogllim bhavartant okondd ani jivitant kalljidar zalear puro mhonn ho mhozo anvddo.
Happy Feast to all.
Tumcho Padr Vigar,
Fr. Andrew Pereira