SONDEX
“Pormoll” stapun xapunk laglear hea vorsa 25 vorsam bhortat mhonn aikun kuxalkai bhogli. Zaiteo vostu nettan suru kortat punn teo chukoinastanam chalu dovrunk ekdom augodd zata ani thodde pautt bond poddtat. Punn Aquem-cho boro “Pormoll” aiz legun eit asa mhonn jiv sontosta.
Mhaka hanv aslo tea sogllea firgozamnim firgoz-potr meulam. Mhojem-nch vhoddponn sangun don vostu mhonntam ani Pormoll-ak sor korun xabaski ditam:-
a) Hanv aslom tea firgozamnim ek pavtt legun chukoinastanam mhoineachea mhoinea firgoz-potr xapun lokak pavoilam. Kednai ek-don dis uxir zatalo tednam lok uskean porot porot vichartalo. Hem lokacho usko ani firgoz-potracho faido dakhoitalem. Hem oslem Aquem bi mhaka onnbhovunk meulem.
b) Dor firgojent firgoz-potrachi editorial committee mhonn asta. Punn boroupam ani sogllo dusro vavr korunk konnuch mellona. Committee mhonnta ti fokot nanvachi urta. Lekh borovop, tanchi topasnni korop, typing korop, page designing korop, printing-ak daddop, xapun porot haddop ekleacheruch poddtalem. Punn Aquem “Pormoll”-achi committee voilem sogllem apunn bhes-borem kortali. Tankam ho vavr zobabdaren kortoleank aiz ek vhodd xabaski.
Dor eka firgoz potrantlean akhe firgojek sondex pavta ani fattim fuddem zatoleam kriakromachi khobor mellta. Soglleank ekthaim dovorta. Firgojecheo soglleo boreo vostu dolleam mukhar zata.
Pormoll committee ani tankam soglle bhaxecho adhar sohokar ditoleank xabaski ditam ani fuddem borem anvddetam.