Koxtt, Moronn Punorjivontponn
Prachit kall ami Magnnem, Upas ani donnvonn korun sarlo ani atam Paskamchea kallant ami pavl marlam Paskamchea kallant ami Jezuchea Punorjivontponnachi Porob kortanv, amcho Kristi bhavarth hea Porbecher tharlolo asa.

Jezu melo, Jezu punorjivont zalo ani Jezu novean ietolo ho amcho bhavarth zaun asa.

Amchea Kristi jivitak ami kosli xikovnn ghetanv zait? Jezu Devacho Put zaun pasun tannen koxtt Moronn sonschem poddlem, Devacho Put tho tori astanam Devan Taka amchea patkamchem bolidan zaumxem kelem. Amchea moga pasot Dev aplea Putak legit nivarunk toyar nam, Itlo Devan amcho mog kelo ki Tannem aplea ekleach Putak vopun dilo.

Jezuchea koxtt mornacho labh kitem? Jezuchem Punorjivontponn ani amchi soddvonn zaun asa.

Jezucho pattlav korunk sompem nhoi. Zaite sakrifis ani dukh-koxtt sonsche poddtat punn tantunuch asa amchem kristanvponnachem vorteponn

Amchea jivitant dukh koxtt ieta tednam ani odik korun Kristi totvam jieumche pasot ami sonschem poddta tednam ami Jezuchea kursacher nodor marchi goroz asa. Jezuchi mulleam amchea jivitant pallunk amkam sompem zaina tednam ami niraxi zaunk favonam portench zalear ami Jezuchea khursacher nodor marchi goroz.

Khursa uprant zoit asa mhonn Jezuchea koxtta mornna ani jivontponnam vorvim ghomun ieta.

Amkam anik dusri vatt nam punn tich vatt ji Jezun dorli. Koxtt Moronn ani Jivontponn. Jezu jivont zalo zalear ami jim konn Tacher bhavarth dovortaum timvuim ek dis Jezu portun ietolo tednam jivont zatolim ani Jezu sangatim sorgar astolim hi Povitr Sobhechi xikvonn Hoch amcho bhavarth amchea jivitant jieumia

Soglleamcher ami, Fr. Josely ani Fr. Agnelo tumcher Devacho axirvad magtanv

Parish Priest,
Fr. Agnelo Rodrigues