kheritponnim dhorm-porghottnechea vô Misanvanchea vavrak bhettoita. Ballka Jezuchi Sant Teresa, hichea fuddariponna khal ho dhavo mhoinno ami suru kortanv.
Sumar 100 vorsam pattim Pius XI Pap Saiban tika Misanvanchi Askarinn mhonn jahir korun dhorm-porghottnechem karya tiche
adhin kelem.
Dor vorsa Pap Saib Misanvanchea Aitarak ek kherit vixoi amche fuddem dovorta, ani porunchea vorsak sorgest Pap Saib Francis-hannem amkam ho vixoi dil’lo, “VOCHATANI SOGLEANK LOGNAK APOUN HADDAT” Logn-somarombh sodanch ek anondachi ghoddnuk, ani razachea lognak amontronn ghevop mhollear kedem vhoddlem noxib tachem! Francisk Pap Saib
hea vixoiacher nihall korun don utrancher amchem lokx ghalunk sodhta:
VOCHATani APOUN HADDAT
MISANV mhollear poile svater thokonastana, niraxi zainastana, vajenastana punn vhodde hurben fuddem vochop ani sogttank amchea Deva lagim ek mogacho sombondh zoddunk, tachem boreponn onbhovunk, tachi doiallai chakunk ekmogachemamontronn divop.Devachiievzonnmhollear amisogllimtaka aplea jivitant manun gheum vo na gheum – Jezu borea gonvllea baxen sanddlolea xelliank sodhunk vochun tankam porot Bapachea ghora haddunk. Ho vixoi amkam ditana Prokasnnechea pustokantlea utrancho to amkam ugddas korta, “Ho polle Hanv darachea umbrear asam ani darar martam; Mhozo tallo aikun konn mhaka dar uktem korit, tanchea ghorant Hanv bhitorsortolom, tanche boroborjevtolomanitimmhojeboroborjevtolim” (Prok 3,20).
Aichea kallar, mhonntta Pap Saib, Povitr Sobhent ghoddta tem oxem: “Jezu amchea darar marit asa punn bhitor thaun /Jesus keeps knocking on the door, but from within.Amchi khasgi aspati koxi / as our private property ami taka amkanch sambhall’n dovorla. Ani oxem mhonnttana Pap Saib ek koddok utracho vapor korta: Povitr Sobhen Jezuk koidi kela: we end up being an ‘imprisoning’ Church which does not let the Lord out, which keeps him as ‘its own’…
Ami lokx dovorpachem dusrem utor APOUN HADDAT / INVITE THEM. Hea utrant man, movallai, boreponn / respect, kindness, courtesy oslim bhanvnnam attaplolim asat. Jezuchi style oslich axil’li, ani dhorm-porghottnechea vavrant oslich style ami apnnaunk chodd gorjechem. Jezuche niz pattlavdar koxe ami khuxalkaien, hurben, udar kallzan ani doiallponnan, konnakuch boll korinastana hem kam’ fuddem vhorpachem.
Jedna tore-torechim ‘jevnnam’ somaz amche mukhar dovorta, dekhik hispa bhair vostunchi pottli korop, svarti dadosponna pattlean dhanvop, girestkai, dhuddu-addko punzavop, nanv ani podvi jikun ghevop, ‘hanv mhaka, Dev somestank’ – oslea jivitachi chal dhorop adi; Devachea bhurgeanchem jevonn, zantunt amkam sogttank apovnnem dilam tem veglleach jinsachem: ani he jinnos mhollear anond, vanttnni korop / sharing, nit, doia, Deva ani mon’xam koddlean bhavponnache sombondh. Francisk Pap Saib sangta tea promannem hea logn-jevnna ani Misant somarombhtanv tea Devachea bhurgeanchea jevnna modhem ek kherit natem sthaplolem asa: khorem mhollear povitr Misachem bolidan zaun asa ek arsó svargrajeant Bapan amkam toyar korun dovorlolea jevnnacho.
Oslea otmik jevnnachi gozal kortana kuddichea jevnnacher ami visor ghalunk zaina. Swami Vivekananda, ho amcho fanki sannyasi, dhormguru ani devxastri oxem mhonnttalo, “adyatmik xikovnn rikamea pottan xikounk mel’lna”/ spirituality cannot be taught on an empty stomach. Hacho orth oso: lokacheo mullaveo gorzô purai zatokuch otmik vatt cholunk suru korum ieta. Ani je meren prithvechem roddnnem / cry of the earth, soimbik sampaticho pillnnuk / exploitation of natural resources jem goribanchea ani lhananchea pottar paim dovorta, hacher gombhirtayen lokx dovrun iukt upai begobeg ami ghenant zalear, tancheo mullaveo gorzô sakar zavop ek poixilem sopon koxem urtolem (cf. Pap Saibachi chitt ‘Laudato Si’)
Misanvanchea pranthanim hanvem zoddil’o thoddo so onbhov tumche fuddem dovrunk sodhtam. Sumar bara vosam Andhra Pradesh hea prantant Savara mhonnlolea adivasi porje modhem / Savara tribals, ek misionar koso vavrunk mhaka sondhi mel’li. Ho lôk PTG / primitive tribal group oslea vorgant poddta, mhonnge adivasi vorgam modekot tancho zago khub sokla urta. Andhra ani Odisha, hea donui prantham modekot dongri zageancher ani rananchea vattaramnim ho lok aplo nivas korta. Hea gorib,sadhea ani thoddeach vostumnim dhadoxi zavpilokamodhemvavrkorunzaiteovostu hanvxikunkpavlom…
“Lognachea jevnnak ieiat” oslo sad ami tanchea kanar gazounche adinch tancho mogacho ievkar, tanchi umed ani tannim rochun haddlolem khuxalkaiechem vatavoronn jem bhailea sobar khunnam vorvim spoxtt zal’lem disun ieta, dekhik pavnneache paim dhuvun ani rumallan pusun tancher fulam uddovop, tanchea golleak fulancho har ghalop, nach-gitam gavun ani vazontram vazoun, sobit nhesonn ani olonkar korun tanchea ganvant panvnneank ievkar divop, ruchichem jevonn toyar korop, tanchea ganvant rat sarunk poddtta tedna nidonk nitoll zago ani soimbacheo gorzô korunk dhaktto kudd toyar korop, nettan aplo hat diun /with a vigorous handshake ‘SUKAPÔ’ oso udgar korop (hea utracho orth ‘tumi khuxeal asat mum?’)…hi tanchi vagnnuk amkam ek maiemogachem ani umedin bhorlolem amontronn koxem, “Swamiji, lognachea jevnnak ieiat”.
Fr Anil Kumar