Dev Monis Zalo!
Agnosce Dignitatem tuam O Christiane! Oxem Pap Saib Leo 13vo Kristanvak ulo korun mhunntalo. Mhunnge; tujem vorteponn ollkun ghe, Kristanv mon’xa! Amcho Dev mon’xeponn gheta amkam devponnant vhorunk, bexttoch mon’xacho akar ghena punn khoro amche sarko lhan oskot ballok zata, sogllea amchea mon’xa konixttaiamni vantto gheta ani oxem amchi goth devponnak pavoita.
Hem ollkunk ani amcher tacho foll zaunk Natalank amchem dhyan mon Jezucher – Monis zal’lea Devachea Putacher asunk goroz. Keeping Christ at the Heart of Christmas! Sogleam Natalanchea vaurant ani jivitant Jezucher amchem kalliz dovorunk goroz.
Amchi sorginchi Mai tem korunk amkam xikoita. Devan tika nixkollonk zolmak haddli – the Immaculate Conception – ani akhea jivitant Somea Jezucho sangat dhorun ti nixkollonk jieli; deivik jivit jieli.
Amche khatir monis zal’lea ani amche khatir morun jivont zal’lea Somea Jezuk akhem jivit somorpun aplea nimannea rogtacho tembo porian diun St Stephen amkam Kristanv mon’xachem vorteponn jieunk xikoita.
Sonvsarache xim’mer porean Bori Khobor porgottunk ani somest mon’xank soddvonn -devponn- melloxi korunk Goencho Saib, St. Francis Xavier amkam ut’tejon dita.
Ondunchea vorsacho Christmas amkam kherit mothvacho kiteak ami amche soddvonnecho sadho Utsov somorombtanv ani tacho bhorpur foll ami gavla ani atam Closing of the Holy Door: Reflecting on the Jubilee Year 2025 amkam amchem Kristi jivit soddvonn dilelem deivik kel’lem mhunn avhan dita ani fuddem hi soddvonn jieunk ani porgottunk dhaddta: “Vochat ani sonvsarache ximer porian hi Bori Khobor porgottat”