Katholik Povitr Sobhent dor vorsa Setembrache 8 tarker ami vhodda dobajean Saibinn mai-chea zolmachi dobajik porob somorombhtanv, Toxench hea disa ami Avoi-anchoi dis monoitanv. St. Augustine Saibinn mai-chea sondhorbhant Oxem mhunnta “She is the flower of the field from whom bloomed the precious Lily of the valley”. Khoreanich Amchi Saibinn mai ek sobit sundor ful koxi. Zoxem eka sobit fulak polletoch amchea mukhamollar hanso yeta toxench Saibinn mai-chem chitr vo imaj polletoch amcher axillem dukh vo chintnacho bhar okosmat unno zata ani amchea mukhamollacher axillem dukh na zata ani hanso yeta. Amchi Avoi amkam aplea Kusveant 9 mhoine sambalta ani sobit sundor sonvsar polleunk dita tech toren Amchi saibinn Mai amkam soddam aplea asrea khala dovorta.
Eke Avoiche teag, koxtt amchean kednach farik korunk zavnchem na toxench Amchea Sorginchea Avoi-n amkam dil’lim besanvam ani aplea puta lagim magun dille upkar ami visrunk favo na.Avoichem dennem ama- somestank ek vhodd dennem karonn ti jem kitem amchea pasot korta tem sonvsarak dakhoun dina punn ticho mog amkam tichea kornia vorvim kollum yeta. Aplem bhurgem chintnamni asa, dukhant asa hem eke avoi-k sanginastana Rokdench kollta. Amchi Sorginchi Mai tor amchea jivita vixim sogllem zanam, dekhik ami Chintnachea bharan chepleant vo ami sonkoxttant sampodleant vo amkam Adarachi goroz asa. Saibinn mai-n aplea ekleach putak ama somestank, patkantlean soddvonn diunche khatir bhettoilo tech porim zaiteo avoiyo aplea bhurgeank apkhoxen Dev-appovnnem svikar korunk protsahit kortat ani Devache porjeche sevek bhettoitat.Dor eka Avoi-k, Saibinn Mai zaun asa ek “Role Model”, zoxi ti aplem jivit Devacher patieun jieli toxench dor eke Avoi-n aplea jivitantlea sukha-dukhant Devacher bhavarth dovrun fuddem pavl marunk Zai ani Saibinn Mai sodanch amchea Sangata asa hem gott motint dovrunk zai.Soglleank tumkam Saibinn Mai-chea zolmachim un-unnit porbim toxench Avoinchea-i disachim porbim.Wishing you all a very happy feast of Nativity of Mother Mary & Happy Mother’s Day.
Andrea Baptista
Ward 19