Aslo hanv lojechi khunna,
Chorank mhojer khillaile,
Kuddir mhoje mon’xancheo kuddi
Mornan mhaka revddailem.
Zal’li mhaka sovoim mornachi
dukham sukun ghelim dolleanchim
‘Mon’xa vaittovem jivit kiteak jieta’
vicharunk utram na suttlim.
Patok naslolo Devacho mendro
aplea khandar gheun kalvar dongor choddlo
mhojea bharim tin pavtti Jezu dornir poddlo
Punn mhaka na soddlo.
Itli mogachi veng mhaka konnech na marli
Tachea povitrponnan mhojean rig ghetli
Povitr rogot zori porim vhanvlem
mel’lo hanv, jivit mhojeant ailem.
Tin voram Jezu mhojer koxttovlo
konnuch tachea adarak na pavlo
udok maglem xirko favlo
hem polleun hanvuim khub rodlo.
Bhagi hanv, Mogak hanvem vengoilo
Khursavoilo mog, kednach na visorcho
Govai dita, Jezuchea ut’tom mogak
Bhagevont Khuris hanv, sodanch tumchea sangatak.
Fr. Leslie Gomes