Kall ieta, kall veta, kalla pormonnem vathavoronn bodolta.Thonnddeche mhoine aile ani ghele punn thonnddich poddunk nam.Vaur dondo korun atam konth ixeop korpacho mhoino.Artik poristhiti koxi asa, kitlo faido zala ani kitlo faido zaunk zavo hachi topasnnim korcho ho mhoino.
Punn amkam Jezuchea pattlavdarank,amchea Atmik jivitacher topasnnim korunk lagu zatolo ho mhoino ani kall zaun asa.Amcho Patron Sant Sebastiao hachi porob ami dobajean manoitanv zalear ami tache baxen Jezuk govaiki aitim ani kalljidar zaunk zai .
Festacho dobazo somplo zalear rokddoch Prachit kall suru zata.
Amchea jivitacho konth ixop diunk ami aitim zaunk ho prachit kall amkam amontronn korta.
Zalear ami kitem korchem? Amchea jivitachi novsornnim korunk ho kall amkam apoita mhonn hanv tumkam ughddas kortam.
Jivitachi novsornnim korneanim zaunk zai. Oronneant bob martolo tallo oxem mhonnta, “jivit bodlat Xubvortoman manun gheiat”.
Jivitachi novsornnim ani bodolnnim korunk ho kall amkam apoita zalear Devachea utrak kan diumya, jivit bodlumya.
Parish Priest, Fr. Agnelo Rodrigues