Hea vorsa, Bhagevont Anton-ichem Trezen ani Porob ekdom bore bhaxen zalem. Dor disa, ganvcho tosoch zaito bhailo lok bhavartan magnnem korunk ailo. Itlo sogott lok ieun, thoddeank bosunk boska mello nasli. Hea vorsa, Kopelache Somitin, zaitem sudarop ani adol- bodol kelelean, Misant vantto gheunk, soglleank sompem zalem. Fattlean pasun asleleank polleunk ani aikunk addkholl nasli. 31ver Mai-ache, donparchea 12:00 horancher, Padr Vigar, Fr. Andrew – hannem Maddiecher axirvad ghalun Trezen-ak survat dili. Jun-ache 1ler thaun sanjechea 5:30 horancher Ters ani Ladin zalea uprant, 6:00 horamcher Mis zalem. Poile 10 dis Fr. Kenneth Telles, Family Service Centre- acho Director, hannem provochon korun, lokak ekdom bore bhaxen xikovnn dili. Lok taka odik ani odik aikunk axetalo ani khuxal zaun ghara portolo. Urlolo ek dis amcho Padr Kur, Fr. Movin Menezes, zalear dusrea disa amcho Padr Vigar, Fr. Andrew Pereira hannem Provochon kelem. 13ver Junache, Festadis, lok chikar boron, votlo, oxem mhojean mhonnom ieta. Suvat nam zaun, bazuchea imarotint pasun lokak ravchem poddlem. Panch Iadnikamnim sangatim Mis bhettoilem. Amcho Padr Vigar, Fr. Andrew, Mukhel – Iadnik aslo ani tachea sangata, Fr. Movin Menezes, Fr. James Torres Silva, Fr. Joao Coelho ani Fr. Joe Rodrigues (Our Lady of Grace), Margao-acho Padr Vigar, zannem provochon kelem. Soglem bore bhaxen zalem mhonn Devak argam dium-ia.
Bhagevont Anton-ik fuddem ghalun, zaiteanim Deva lagim zaitem maglem ani tantlea thoddeank Devan khuxal kelim- tanchim magnnim aikolim. Maglolo upkar meulo mhonn sangonk ailim ani Devache upkar attounk maglem tem aikun jiv sontoslo. Amchim magnnim Devak ubarit ravum-ia ani jerul Bhagevont Anton-iche mozotin Dev amchem magnnem aikotolo mhonn visvas ani bhavarth dovrun jieum-ia.
Felix Dias