Bhagevont Sebastiany: amcheam Purvonzancho Bhavart
Saxttint bhavart porgott’tale ani vosoitale te missionar amkam vhodd bhavartacho nomunno diit raule ani to mhunnlear Bhagevont Sebastiao!
Okondd piraer taka Jezu bhettlo ani taka porgottunk to kosoch soddina na zalo; vhodd manachi nokri, poixe, duddu vo dobazo Jezu mukhar taka kanttallo zalo. Tachea tumlar catacombatant altar asa tacher mhaka Mis korunk bhag mell’lem tedna tachea bhavartache bizlecho xok koso mhojea angant xirxiro futtlo. Adle poile Povitr Sobhent zaite Kristany tornatti bhavarta khatir morun rogtsakxeacho mukutt zoddunk anvddeun anvddetale ani zaiteamni aplea jivachem bolidan kelem.
Amcheam dokxin Goyncheam purvozank ho sant khub avoddlo ani tacho bhavart tankam dir-gottai ditalo. Konnak bienastana heach bhavart jieun Bhagevont Sebastianv tankam tedna vokdam nasleleam pest-piddentlo nivartalo ani pekovnni-i ditalo. Sabar amcheam ganvamni odhik korun vaddeamni Capelancho askari Bhagevont Sebastianv zaun gelo.
Aquem vaddeantle purvoz Sant Sebastiao askari koso gheun bhavartant okondd vaddot raule ani aplea bhavartacheo khunna te visrunk nant. Kheritponni aplea bhavartachem ghor “Capela de Sao Sebastiao” tannim sambhallench nhoim punn vosoit raule ani xekim Firgoz koxi ti stapli ani edem vhoddlem devmondirachi imarot tannim badhli, xabaski tankam ani tanchea tednachea Pri. Vigarak! Hanv oxem korunk kitlem avgodd tem zannom kiteak hanvem-i Fatorda oslem kam’ kelem.
Vhodd lok Aquencho ani vhodd-vhodd zait asa zoxem atam “Kantaram Lharam” ho Konkani gitancho akea Goym namnnecho dhobazo tankam sonvsarak fanki korta. Donuch kamam tanni korchim asat, tim padrink ek borem ghor bandhunk ani ek School-ak bori imarot ubarunk. Residence borem na mhunn padri hanga eunk ang kaddtat ani kai borem I. C. S. E. School suru kelam tem imarot na mhunn vaddona. Charity is the essence of the Church and best charity the Church can practise is educating the young by establishing schools. Eka Vigaran tumchea adaran school suru kelem ani dusrea Vigaran poixeanchi sovloti ghoddun dovorlea. Atam boro Vigar mellun hem sogllem korun kaddchem!
Crescat et floreat!