SAIBINN MAINK MANTELIM NIZ FULAM
Setembrachea mhoineant amchea Goyant sogleam Igorzanchea ani capelanchea adrar fulam gheun bhurgim disunk etat. Hi amche Goynchem purvonzanchem daiz.
Tem mhunnlear Saibinn Mainchi urbevont bhokti. Saibinn Mainche zolmache porbek toyari korunk nnov dis tichea manak gaionnam gaun tika bhurgim toxinch vhaddlelim (sogllim Saibinn Mainchim bhurgim!) Saibinn Maink fulam bhettoitat.
Fulam Devache rochnnentle boreantle borem tem, soglle rochnne von sobit, titlem sobit ani rosroxit anik kainch na! Saibinn Mai amchi mogall Mai amkam itlem borem korta tedna tichea vadd’disa, Birthday-k kitem boreantlem borem tem diunk zai!
Ti amcho mog korta; aplea Puta sarko amcho mog korta. Tuka dista amchi sonvsarantli sobitai, sundorai ani pormoll tika mantolem mhunn? Tichea Putan tika kitem dilem? Sonvsantlim dennim dilim? Na! Tannem Tika otmik dennim dilim, deivik dennim dilim. Tim sonvsarant mellonant; fulam fokot tanchi khunna, Jezun aple Avoik xegunnachim dennim dilim! Bhoktiponn, budh, lhanvikai, vhoddilanchem sanglelem aikop(obedience), sot uloup, nit rakhop, soglleank borem korop – he xegunn pormollit ani rosroxit sobit fulam Saibinn kup mantat! Dekun Saibinn Maincheam bhurgeamno, tumi fulam ghaltat tedna ek-ek pautt ek-ek xegunn ek-ek dis Tika ami bhettoum-ia ani Ti amkam Aplim sabar dennim ditelich: zannvai, xikpant ies, vaurant dadhosponn, bori bolaiki ani kalliz monachi xan’ti!