Mogall Firgozkaramno,
Dis fantear uzvaddchea bhov adim Maria Magdalene bhieun bhieun Jezuchea fondda-xim gheli. Oxem xubhvortomananim mellta. Toslich koxi ghoth atam sogllea sonvsarachi zalea. Corona Virus zaun akhea sonvsarak vidhvas zaun sogllo moniskull kallokant ani bhirantint poddlolo. Atam virus il’lo unno zaun soglle kodden zaum tem dhondeant, xallamnim ani ier kodden lok bhieun bhieun bhair sortat. Aiz tori borem asa. Faleam kitem zatelem mhonn noko zaun mon’xancher bhirant aileli ti azun vochunk nam.
Maria Magdalene ani dusreo ostoreo bhieun Jezuchea fonddaxim gheleleo. Jezucho fondd rikhamo polleun teo bheeleo ani ojeap zaleo. Jezu fonddant tankam dixtti poddunk nam punn fonda bhair tankam to mell’llo. Jezuk tinnem poilo ollkhunk nam. Punn uprant olllkhun ti ojeap zali.
Akho sonvsar Corona Virus haka lagun khorench fondant ghelo. Kitlo sogott lok melo. Kitlim bhurgim onath zalim. Kitlea lokacho vavr dhondo padd zalo. Kitlo lok upaxim poddlo. Kitlea lokachem jivit samkench bodol’lem. Khorench mhonnunk zata ‘sonvsar fonddant ghelo’.
Dor mon’xachem jivit hech baxen zata. Monis fonddant voita ani vhoir sorta. Atmik jivitant legun monis samko sokla patkant poddta ani uprant noxib aslear vhoir sorta. Vavr dhondeant legun zaite pavtt sarkhe nuksannant poddtat ani bhov thodde sarkhe vhoir sortat.
Atam Corona virus sompot voita. Sogllo vavr dhondo ani xalla bi suru zaunk lagleat. Lokachem udharposonn korunk sirviseo suru zatat. Tednam mhonnlear dor mon’xak ap-aplem gorjechem xikxann sonvsarant kitem gorjechem ani kitem gorjechem nhoi tem zannam zaunk pavlear puro. Je baxen Marie Magdalenak Jezu fondda bhailean ubo aslo toso hem Corona virus odruxtt somplea uprant amkam bi Jezu meulear puro.

Tumcho Padr Vigar
Fr. Andrew Pereira