Mogall Firgozkaramno,

John 10/11(a): Jezu oxem mhonnta, “Hanv Boro Gonvlli.” Him Jezuchim utram zaite pavtt amkam vachunk ani aikunk melltat. Jednam Jezu Apunn Boro Gonvlli mhonnta, tednam To apunn konn To zanna zaun mhonnta. Aplo vavr ani hea vavrant aplean kitem korchem To bhes boro zannam. Boro Gonvlli mhonntoch aplea menddrank sodanch borea chorvak vhorunk zai. Boro chorov sodit raunk zai ani thoim chorovta astanam aplea menddrank rakhunk zai. Jezun to vavr bhes boro kelo.

Khorem mhollear Jezu lagim menddram kednanch naslim. Jezu, by profession was a Carpentar and not a shepherd. Punn aplea sorv bhonvtim menddram rakhnne To polletalo. Ek rakhnno (gonvlli) punn kitlea sogott xellianchi (menddram) to rakhonn korta. Dis ani rat tannem tanchi rakhonn korchi poddta. Mhonntoch tachi zobabdari ekdom vhodd.

John 10/11(b): Jezu tech vollint mukhar mhonnta, “Boro Gonvlli menddram pasot aplo jiv dita”. Gonvlleachi duty 24 voram. Menddranchi rakhonn kortanam chodd korun to ekloch urta. Thonddi poddum vo gormi zaum, pavs ieum vo tufan uprasum, vot ieum vo savlli poddum. Dusman ieum vo ixtt pavun sorum, Dis ani rat tannem zagrut ravchem poddta. Kednam kosli goroz poddtoli ti sangunk zainam. Eke vatten Boro Gonvlli mhollear man (respect) vhodd ani dusre vatten zobabdari (responsibility) tache von vhodd. Dusream koddlean man gheunk ekdom sompem. Punn dusre vatten zobabdari pallunk ekdom augodd.

Hea August mhoineant 4ter Juanv Marie Vianney hache porbe disa Pastor’s Day mhonntat ani mukhavelea aitara Aug 7ver zaitea Igorzamni somorombhtat. Tumche koddlean mhaka man gheunk sompem punn mhoje koddlean tumchi zobabdari gheunk avgodd. Tea pasot hi ghetlea ti zobabdari pallunk mhaka Devacho adhar ani odik urba mellchi mhonn magunk ulo kortam. Tumche ani mhoje modem, Jezu ani Tachea xelliam  modem aslolo toslo sombond samballunk sodanch proitn korum-ia.

Amche sovem sodanch mog ani moipas dakhoil’lea khatir tumkam soglleank Dev borem korum mhonntam.

Tumcho Boro Gonvlli
Fr. Andrew Pereira.