Mogall Firgozkaramno,
Oxem Inglezintlean mhonntat, “Time changes everything”. Sarkhem tem. Thoddea kalla modem sogllench bodol’lem. Fattlea Dezembrant, Wuhan, China thaun,akho sonvsar bonvun ,tem aiz Goy-ant legun kitlem sogott bodol’lam. Tantuntlem bhov thoddem polloum-ia:
- Sonvsarache sogllech des koxttoutat. Aiz-kal vhodd ani lhan des mhonn nam. Hea fuddem konn vhoir sortolo ani konn sokla poddtolo mhonn sangunk zainam. Sonvsarachi soglli girestkai unnem zait voita.
- Vavraddeancheo sirviso unnem zaleat. Vavr kortolo mhollear legun soeg unnem asat, karann,vhodd-vhodd karkanne ani company bond poddleat. Giraik chodd unnem zalam ani vavr korunk monis naka zala. Oxem zaun dor mon’xachi poixeam iennavoll sarkhi sokla poddlea. Heafuddem odik ani odik unnem zai voitoli ani goribsann vaddteli.
- Vavr korchi pod’dot bodol’lea. Aplea ghora lagim ravun- soit vavr korunk sot’tea dilea. Ani he baxen vavrunk odik-odik tenko ditat.
- Sonvsarachem pollution soglle toren unnem zalam. Lok unnem bhonvta. Gorje bhair bonvpachem lokan soddlam. Unnem khavop-jevop zata. Carbon mono/dioxide soddpachem denvlam. He baxen sounsar aplea-ap nivoll zait asa.
- Xikxonna mollar kitem ghoddta tem, bhurgeank kainch somzonam. Fattlea vorsa suttieo kednam ietleo kai mhonn bhurgim vatt polleun aslim. Punn aiz, school kednam suru zatelem ani aplea ixttank kednam bhett’tolim mhonn bhurgim axetat. Ho dis kednam ietolo tem Dev zannam.
- Bhair bonvpachem bond zaun chodd-so lok ghorant poddla. Khoim tori voitolo mhollear zai nam. Haka lagun mon’xacho ani ghorcheancho sombond jerul bodol’la.
- Oslea voilea adkollim modem mon’xank odik chodd mhotvachem ani gorjechem kitem tem somzolam.
- Devosponn chodd korun Igorjent zatalem tem atam ghorant ,familim modem zata mhonn somzotat. Bhirant asa tem sogllench nanch zait mhonn.
- Adlea Korarantlo Itihas porot ghoddta kai dista. Mon’xam chodd girest zalea uprant Deva sorxil’lim pois voitalim. Tednam Dev tancher khast daddunk nixttur porkeraza daddtalo ani porza koxttoutali ani sonsunk zainam zaun Deva lagim kaklut magunk ietali. Tednam Dev tankam bhogxitalo ani aplea denneanim porot bhortalo. Akhea sounsarak chodd grestkai asun Dev naka zal’lo.Ghoddie moniskullacho koxttancho vell lagim pavla. Indient ani sounsarant zaitea desamnim nixttur raza uprasleat. Lok voita thoim pidda-pidd sonsunk lagleat.
- Zonn ekleachi poristhiti ollkunchi goroz asa. Deva sovem amcho sombond odik ghott korunk amkam hem soglleank amontronn.
Manisha Koirala oxem mhonnta, “I believe there is a time for everything. Time changes, and you need to accept that. Else, you stagnate.” Mon’xan fuddem pavl marchi goroz asa. Fuddem kitem zatlem tem atam kainch khobor nam, karann Abraham Lincoln mhonnta te baxen, “The best thing about the future is that it comes one day at a time.”
Tumcho PadrVigar,
Fr. Andrew Pereira