Agostachi 15 tarik amkam zaiti mhotvachi. Eke vatten tea disa Bharat-ak svotontrai mell’li ani dusre vatten tea disa Saibinnichem sorga-voronn zalem. Heam donui somorobhnnek ek khol sombond asa. Ho sombond bore toren somzunk proitn korum-ia.

“The Preacher and the Slave” mhonn Joe Hill (1879-1915) Swedish-American activist ani songwriter hannem (1911 vorsa) kantar boroilem. Tem oxem asa:-

You will eat, bye and bye,
In that glorious land above the sky;
Work and pray, live on hay,
You’ll get pie in the sky when you die.

Hem voilem kantar, Salvation Army hannim boroilolea “In the sweet by and by” (1868) kantarak criticize korta. Karann Salvation Army, lokachea jevnna-khannacher lokx ghalche bodlek mon’xanche soddvonnechi khobor kortale.

Hakach lagun dista chodd xe Americans materialistic. Tankam sogllem atam ani rokddem zai. Tanche lagin soglle torechim pie asat. Dekhik:- Apple pie, mince pie, pecan pie, apricot pie, coconut cream pie, lemon meringue pie, peach cobbler pie, blueberry pie, blackberry pie, huckleberry pie, pizza pie ani kitem kitem. Punn “Pie in the sky” naka.

Saibinnichem akhem jivit mhollear koxttanchem zalem. Jezu soddvonnar tichem sovem zolmun legun kainch tika sompemponn mellunk nam. Odik zalear koxtt ani dukh meulem. Bharat desh svotontr legun zalo zalear zaitea lokanachea koxttam ani dukha pasot. Tannim zaite koxtt bhogche poddle. Xevottak moronn legun gheunchem poddlem. Teach karannak lagun amkam svotontrai meuli. Tanchea soglleanchea dolleam mukhar ek vhodd haves aslo. Kitlim-xim vorsanch tannim vavurchem poddlem. Xevottak te soglle somple punn amkam svotontrai melloun dili.

15 Agost, amkam hoch ugddas korta. Xevottachi soddvonn/zoit zoddltolo zalear akhem jivit ami koxtt korche poddta. Amchea dolleam mukhar ek vhodd xevott asa. To soglleanim melloun gheuncho asa.

Agost 4^ter Pastor’s Day mhonn kortat. Tea disa Jean Marie Vianney hachi porob. To soglleam Padr Vigar-ancho askari (patron). Tea pasot tache baxen ami padri bhagevont zaunk amche pasot magat.

Tumcho Padr Vigar
Fr. Andrew Pereira