Mogall Firgozkaramno,

Dezembracho mhoino mhollear soglloch kuxalkaiecho. Hoi? Khorench?

Konnak ghoddie hoi mhonn disot. Konnak ghoddie nam disot.

Karann mhollear Dezembrachea mhoineant zaiteo kariavolli, nach, jevnnam-khannam, kazaram ani festam. Tea bhair nhesunk anik chodduch. Oxem astanam, hem sogllem chintun konn ghoddie odikuch kuxal vo konn ghoddie anikui dukhi zata astolo.

Eleanor Roosevelt oxem mhonnta, “Happiness is not a goal…it’s a by-product of a life well-lived.”

Kuxalkai eka kombllea (butterfly) baxen. Dhorunk ghelear pois-pois danvta. Tech baxen kuxalkaie fattlean danvlear, kuxalkai amche thaun pois pois danvta. Vhoir mhonnllam te baxen kuxalkai ek xevott nhoi. Punn ek porinnam amchea borea jivitacho.

Fattlea mhoineant soglleam somudaianim (wards) nove fuddari korunk ani tache uprant Parish Pastoral Council ghoddunk mon’xam vinchun kaddleant. Tankam dusream ani Firgoje pasot vavr korunk ho ek boro ani mott’tto soeg. Adlo Parish Council korunk vinchloleam modem zaitim bhieun ani lojen fattim ravtalim. Punn uprant soeg meulo tednam tinch chodd ani boro vavr korunk laglim. Tankam ani tanchea vavrak polleit ani ugddas korit zalear tim ani ier sogllim kuxal zatat. Atam asa tea Parish Council-antlim ordim unnem porot anink ek pavtt first round of election-ant vinchun kaddleat. Dusrem mhollear vinchlolim bi kuxalkaien fuddem sorleant. Tancheanim vavrantlean ani dusreanche seve-chakrentlean kuxalkai onnbhovlia. Happiness is the by-product of life well lived.

Dusrem mhollear Jezuchea zolmant amkam kuxalkai mellum. Karann Jezu aplea pasot sonvsarant zolmunk nam. Jezu sonvsarant zolmolo ani amchea pasot aplem jivit jielo. Suru tem xevottak meren Tannem amchench borem chintlem.

Natalancho soeg gheun hanv tumkam soglleank kuxalkai anvddetam. Jezu bhaxen tumchem soglleanchem jivit zaunchem. A life well lived.

Tumcho Padr Vigar,

Fr. Andrew Pereira