Mogall Firgozkaramno,

Janeracho mhoino soglleank kuxalkaiecho ani mhotvacho. Hea novea vorsachea poilea mhoineant sogllem novem suru zaunk vo korunk ek soeg meuta. Bhitorlea-bhitor ek novo nett koso zaun ieta. Zaiteo vostu novea vorsak korcheo mhonn tharaitat.

Janer-acho mhoino hem nanv Roman God Ianus vo Janus hache velean ailam. Hea Devak don mukham (faces) asat. Ek mukha-velean ani dusrem fattlean. Fattlem mukha jivitachem fattlem polleun (past) niallunk ani fuddlem mukh ietolea vostuk adim fuddem (future) polleunk.

Janus, Dev zaum vo ani konn zaum. Khorem mhollear tachim mukham kitem sangta tem mat ekdom khorem ani gorjechem. Dor ghoddie kednaim fattlem niallun fuddem panvl marunk ekdom gorjechem. Sogllo vell fattlem chintun thoinch ravunk zainam. Nam mhonn fokt, zata tem zaum mhonn fuddem vochot ravpachem. Oxem-i korunk zainam. Ek chotur panvl marop mhollear fattlean fuddlean polloit vochop. Janeracho mhoino hench korunk soglleank adar dita.

Hea novea 2024 vorsant bhitor sortanam fattlea vorsa adlem kitem voir-sokol zalam astelem. Tem visrunk vo pois dovrunk proitn korum-ia. Amcheanim fattlem bodlunk zainam. Fuddarak zalear chotur ravun borem zaitem korunk zata. Zata te baxen bore nirnnoi gheum-ia. Fattleo chuki pois korum-ia. Tuttlele sombondh novean bandum-ia. Dusmankai pois dovrum-ia. Kuxal ravunk ani dusreank kuxal korunk proitn korum-ia. Borem asa tacher nodor ghalum-ia. He baxen novem voros 2024 kuxalkaiechem korunk eka-mekak adhar dium-ia

Tumkam soglleank “Happy and prosperous New Year 2024” anvddetam.

Tumcho Padr Vigar,

Fr. Andrew Pereira