Mogall Firgozkaramno,

Gormeche dis, votacho dhog, ghameche lott, thoklolim kudd ani mon, hem sogllem ekuch magta ani tem mhollear visov gheupache dis.

Iskolachim bhurgim apleo porikxecher-porikxa korun ghoddie thoklim astelim. Tanchea fattik lagun, tankam hanga thoim tuition-ak vhoddun haddun, tanche borobor xikunk bosun avoi-bapui thoklim zatelim. Ani atam soglleancheo chodd xeo porikxa somplea mhonntoch soglleank visov gheupa sarkhem dislem astelem.

Visov ghevop ekdom gorjechem. Visov ghetlear eke vatten kudd porot nentti koxi zata, aplem somplolem boll porot bhorun haddta ani mon novsorta. Porot vavr korunk odik nett ani urba mellta. Visov ghevop mhollear kitem kai? What are holidays/ vacation? It is TO DO what you usually don’t do. Tuzo vavr sogllo vell lokachi bovall aikopacho, zalear eke eksure suvater vochun ekloch rav. Tuzo vavr disbor ekloch ravun ekleanuch korpacho zalear visov gheunk loka modem vochun vell sar. Tuzo vavr chodd mon lavun korpacho zalear, visov gheunk hat-paim ani kudd thokpachem kiteim kor.

Adlea kallar bhurgeancheo sutteo mhollear Mai-achea mhoineant maxen-ager vochun ek suman ravpachem aslem. Follam zaupacho kall mhonntoch ambe ani ponnos pott futto-sor khaupachem aslem. Sokkachim 10 vo 11 voram zata mhollear pez jeupachem. 1 vor zata mhollear jeunnak maxen-acho jeunnak ulo zatalo. Uprant bob marpachem unnem zainam mhonn maxen-an soglleank nhidunk ghalpachem. Sanje chear zata mhollear chai-e borobor goddxem vo tizan khaun dhanv marun xetant khellunk vochpachem. 6 zaunche poilim porot ghorant pavnam zalear maxen soddunk ietalem. Maxen-ager ravlolem ek suman khoincheanuch somptalem. Novi suvat, novim mon’xam, nove onnbhov, sangata khellpachem ani kuxal zaupachem.

Vhoileo vostu ghorcheam modem nasloleo mhonnun nhoi, punn suttianim sogllem odik umedin zatalem. Heo vostu hea kallar zalear odik gorjecheo. Karann chodd-xea zannachem jivit eksurem koxem zalam. Ghorant bhurgim ek vo don. Disbor full day school, tache uprant tuitions, porot ghora pavlem mhonntoch home-work. Vell asa zalear ekloch TV serials pollovop. TV serials chodd-xeo family tensions ani weekday sports fokt eka-mekak marun rogtam kaddop. Ghorant eklo bhitor sorta zalear dusro ghorantlo bhair sorta. Eka-meka lagim kuxalkaien ulounk legun zaite pavtt mellonam. Oslea poristitint sutteant borobor vell sarunk ekdom gorjechem.

Ani ek ugddas kortam. Sutteo ghorjecheo punn there are no spiritual holidays. Zata zalear bhurgeank sokallchem sumanam disamnim misak bi ieunk sonvoim korchem. Aitar zalear kednanch mis chukoinakat. Sokallchem misak ieun uprant disbor nidlear upkarta.

Happy Holidays to all.

Tumcho Padr Vigar,
Fr. Andrew Pereira