Mariechem Legianv katolkanchi sounstha, Povitr Sobhechi ani khotavinn Mariechea kallzachea fuddariponna khal , heam katolkannim hi sounstha ghodlea. Legianv taka nanv dilam ani ticho hetu ho: Povitr Sobhent polle sonvsaracher ani noxtteam podveancher add sodanch zhuz cholta tantunt vantto gheunk. Saibin tanchi fuddari, ti sorv kurpanchi modestin, Chondrima porim sundor, Suria porim porzollit, Zhuzak mandlele eke fouje porim soitanak ani tacheam soinikank kampero.
Frank Duff, Ireland-achea, Dublin xarant Junache 7ver 1889 vorsa zolmolo. Sath bhurgeam modlo to malgoddo.
1913 vorsant Bhag. Vincent De Paul Sounsthent bhitor sortoch te sounthecho tacher kub boro prabhav zalo. Gorib ani konn nasloleam sovem to Kristak polletalo ani tancho mog korun Kristakuch to man ditalo.
To jednam sottavis vorsanche piraier pavlo (1916) tednam tannem “ Can we be Saints” hi apli pustika prokaxit keli. Soglleanchean Bhagevont zaunk ieta. Katolk bhavartant bhagevont zaunk goroz te upai asat ani ami otmik vatten soglleam pasot magunk goroz.
Setembrache 7ver 1921 vorsa , Myra House, Francis Street, Dublin Ireland, Saibinichea zolma porbechea adlea disa, sanjechea att (8.00 pm.) vaztam tannem Legianv Mariachi Sounstha stapli. Poile Sonsthechi askarin keli Our Lady of Mercy ( Kakutichi Saibin) haka lagun Legionvanchem poilem nanv, The Association of our Lady of Mercy.
Legianvancho xevott zaun asa aplea vangddeanchi otmik vadd korunk proitn korunk ani Saibinni vorvim Kristachem raj vistarunk.
Aplea visvaxiponnan, sugunnanim ani vhodda kalljidarponnan Legionar aple Sorginche Ranniek purte zaunk axetat. Hea pasun Legianvanchi mandavoll eke foujechi mandavoll koxi kelea.
– Jenevie D’Silva