Setembrache 16ver ami Apovnneacho Dis, palltanv. Dor eke firgojent, zzanv igorzanim vo kopelanim, heach vixoiacher amche iadnik bhav, bhor ghalun hea vixoiacher, aplem provochonn kortle. Tech proim karm amche seminarint xiktole burge, ganvanim- xharanim vochun aplea apovnnea vhoir, khas govaiki diunk proitn kortole, hea disa Jezuchea utramcho ami amkam ugddas korum-ia..”pikh tor khub, punn vavraddi thodde.” Jezucho vavr, hea sounsarant, chalu uronk, amkaam iadnik-amchi goroz. Hea adhunik kallar, zaite amche ghorabeanim, apovnnim bhov thoddim zaleant ani unnem zait asat. Adlea kallar, zaite amche tornatte seminarint bhitor sorun, aplem xilop bore bhaxen korun, xekim aplea apovnneak pallo diun, iadnik zatale. Punn atam, hem oxem ghoddonam zaunk, kitem karonn zait?? Ghoddiek amchem magnnem, chodd korun, dor eka ghorabeachem magnnem unnem zalam kai? Ek iadnik bhav oxem mhunntalo: atam ghorabeant chodd burgim zolmun ienant, fokot ek  vo don ani hadkach lagun, ghorchi porishtitipolleun, bhurge iadnik zaunk fuddem soronant. Punn mhaka dista, zor konnakui Devachem apocnnem asum, tea apovnneak manun gheun khalti ravlear, ghorabeant ekuch bhurgo pasun aslear, toh Iadnik zaum eitha ani oxem zalolem amin zaite pavtti pollelam. Halinch eka avopi-bapai-cho bhovman kelolo ami aikolam ani tachim chintnam polleleant. Tachim 6(sov) bhurgim , zauche modle 5(panch)Iadnik zaleat ani ektti bhoinn madri zalea. Kitli manachi ani khoxechi khobor nhoim? Aplo put v apli bhav ek iadnik mhonn sangonk zaito obhiman tachea ghorabeak mellta tim khorench subhagi.

Apovnneacho dis vo apovnneacho aitar somplea uprant, fuddem kitem? Jem kam ami hea disa kortanv , tem kam dor disa chalu dovrunk nibel gorjechem. Amchea ghorabeanim Dev- apovnnim utpon zaunk ami Deva lagim magunk goroz. Ghorabeachea magnneak ami chodd mol diumia kiteak ghorabo amkam zaun asa ek mullavi xalla. Amchea avoi- bapai-anim aplea bhurgeanchea kallzanim apovnneacho mog vaddounk sogle upai gheunkl favo. Addkolli haddinastanam soglo adar- sohokar aplea burgeank dilo zalear, tanchi hurba vaddteli. Ho devacho vavr fuddem vhorun iesvont zaunk zaito khorch zata ani duddvanchi goroz asta. Tor ghoddta tannim, aplo adar hea borea vavra khatir, ugttea monan ani kallzan bhettouncho. Devan amcher axirvad ghalum ani Dev apovnnim vaddom ani choddom.

Mog asum-di.

Felix Dias.