Mogall Firgozkaramno,
Roman Poet Virgil oxem mhonnta, “All our sweetest hours fly fastest” punn dukhacheo ghoddneo soron soronam. Korezmacho challis disancho dukhacho ani koxttancho kall soron soronam oxem zaiteank zalem astelem. Punn atam dukh sorun kuxalkaiecho ani zoitacho Paskancho kall suru zalo. Jezu morun punorjivont zalo.
“Hanvem tumkam kelam toxench tumi-i korat” Jn.13/15. Him Jezuchim nimannea jevnnar paim dutanam udgarlolim utram polloum-ia. Jezuchea bovxik vavrant Tannem zaitem borem kelem, borem xikoilem, pekovnni dili, jivit dilem, jevonn dilem, pivonn dilem, bogsonnem dilem, buzvonn dili, sangat dilo, adhar ani dhir dilo. Dusrea utramnim mell’loleank apli zata titli seva dili. Jezun Apnnem kelolea sogllea vavracho sonkxep (summary) koso Aplea nimannea jevnna velo uttun aplea xisanche paim dutanam aplea xisank sanglo.
Kuxal astanam dusreancho bhov thodde pavtt ugddas ieta. Kuxalkaiecheo ghoddeo rokddeoch sorun vetat. Dukha vellar dis soron soronam. Konn tori adharak pavlear puro zata. “Tum-i toxench korat”, Ho nimannea jevnna velo ulo amkam zaitem xikoita. Boro ani kuxal astanam zata titlem borem korit voch. Karann xokticheo ani takticheo ghoddeo rokddeoch sorun veteleo. Nanch zateleo. Jezuche xis “Tum-i toxench korat” hem uprant bhes borem somzole. Ani jem Jezu kori tench apunnui korit ghele. Pois-pois desant te pavle, ani Jezu sarkhem korit ghele.
Hea paskam somoiar amkam legun hoch sondex asum. “Jezun kelam toxench ami-i korunk”
Tumkam soglleank kuxalkaiechi Paskanchi porob anvddetam..
Tumcho Padr Vigar,
Fr. Andrew Pereira