Mogall Firgozkaramno,
Elon Musk hachi zaiti bore dekhichi ani teach borobor vaitt moriadichi khobor tumi vachlea asteli. Tantuntlem tachem ek ekdom borem mhollear to ‘risk gheunk sodanch fuddem’. To ikmotin ekdom huxear. Tannem University-k vochunk suru kelem. Punn thoddeam disanim University soddun ghora ravlo. Ghora ravun aplem xikop kelem ani thoddeam mhoinea bhitor exam diun ekdom bore toren pass zalo. Tannem kitleoch company suru keleo. Suru korun samkeo vhoir pavoileo ani dusreank vikleo. Porot tannem anik kitem novem suru kelem. He baxen to noveo-noveo vostu sodun kaddit asa. Oxem korun ek mhonn’nni sarkhi disun ieta, “Fortune favours the brave”.
Amchea dhormachea bhavarta vixim legun Jezu zaite pautt kalljidar zaunk ani risk gheunk apoita. Jezu aplea xisank Lk. 9/3 mhonnta, “vattek danddo, poti, khann-jevonn, duddu, kainch vhoronakat” oxem mhonnun Jezu don xikounneo dita. Poili xikounn mhollear kalljidar zaunk. To take a risk. Dusri xikounn mhollear Apleacher patieun ravunk. Osleo xikounneo zaitea Bhagevont mon’xanim vo Sant Bhoktanim aplea jivitant korun dakoileo.
Aquem-cho patron Sant Sebastiao, hannem oslench kalljidarponn aplea jivitant dakoilem. Zanna zaun aplea okristi Roman Emperor hachea xipaiam modem Jezuk tannem porgott kelo. Dhorm porgottnnechem kam kortanam sampoddlo ani jivexim marunk legun kaddlo astanam legun aplea jivak bhieunk nam. To melo mhonn soddlolo punn boro zaun porot adlech suvater Jezuk tannem xipaiam modem porgott kelo. Aiz Sebastiao bhov adlea martyr-am modem ek vhoddlo Bhagevont mhonn pachartat. Fortune favours the brave. Jivitant soglle suvater risk asatuch. Rostear risk asa, ghorant risk asa, ixttagottint risk asa, kazari jivitant risk asa, dhondeant risk asa, dor disa risk asa. “Bhieun, jiv aslear bhik magun dis kaddtolom” mhollear oslim mon’xam Jezuk purtim nhoim.
Bhagevont Sebastiao hachi porob kortanam amkam soglleank amchea askarea sarkhe kalljidar kor mhonn amcho anvddo zaum.
Tumkam soglleank Bhagevont Sebastiao-hachem Happy Feast.

Fr. Andrew Pereira
Parish Priest