Mogall Firgozkaramno,

Fattlea Agost 2023 mhoineant suru kelolo novo Parish Pastoral Council ghoddcho vavr Aitar, 21st  Abril 2024 purnn zalo. Tea aitara sovo (sixth) St. Sebastian Parish Pastoral Council reconstitute kelo. Hea sogllea vavra pasot zaiteank dhinvasnni.

Ho novo PPC ghoddun haddunk zaiti barik-motti Main Election Team (MET) hannim toiari keli. October mhoinneant soglleam somudaianim venchnnuko korun chear-chear fuddari vinchle. Uprant tanche pasot xikounn diunk panch xibiram kelim. Dor eka xibirak unne-unne 60-70 vangddi hajir zatalim. Xekim 25th February hajir zaloleam modem dusre pavtt nivoddnuk (election) korun PPC ghoddun haddli.

21ver Abril, PPC-chi stapnni misar zalea uprant, Fr. Leo Fernandes, Executive Secretary, Diocesan Pastoral Secretariat, hajir asun vangddeanchi zomat korun tanche modem anik ek pautt nivoddnuk korun Executive Committee vinchun kaddli. Ti oxi asa:

Moderator :        Mrs. Succorina Fernandes
Vice-Moderator:              Mr. Desmond Gomes
Secretary :           Mrs. Philomena Cardozo
Joint-Secretary:                Mr. Adlete Mascarenhas
Treasurer:           Mr. Alex Rodrigues (Cofre Treasurer)

Vinchun kaddlolea Executive Committee vangddeank ak’hea ganvchea nanvan xabaski ditam. Tankam fuddlea vavrant sogllem borem anvddetam.

John Quincy Adams oxem mhonnta, “If your actions inspire others To dream more, Learn more, Do more and become more, You are a LEADER.

Osleach tumchea borea fuddariponnak lagun zaiteank distalem apunnuim PPC-nt bhag gheun appnem-im kitem dusream pasot borem korchem mhonn. Adlim toxem novim vangddi ekthaim ieun zaitem borem tumcheanim korunk zatelem. Sodanch nettan fuddem vochat. Dev tumcher soglleancher axirvad ghaltolo.

Tumcho Padr Vigar,
Fr. Andrew Pereira