Korun familik adeus, chol’le ami tarvar,

Gheun to hanso, amchea muka-mollar.

Marun tauz vhor-ia, tarrum tea khellttia doriar,

Ieuncheak porot ghora, zoddun to sonvsar….

Kamak amchea na sarko re vell,

Rath – dis, aitar –somar, toch kamacho re khell.

Vadholl – modd haddta kallzant amchea re xhell,

Sobit sundor dista pavounk moxlba-doriacho mell.

 

Dis koxttamcho soron rath re pauta,

Varem marun lharar lhar apttota.

Nodor amchi takun ghorche vatter asta,

Chondrim ratcho polleun, chintnar mhojea hansta.

 

Dista soglleank dollaranchi ti zodd,

Dakoinant ami paiank ail’le te fodd.

Sangtole konnak?, ek zaun sonstat ami amchem dhuk,

Gheunk vengent mogacheank,

Oslem na dusrem sukh…….

Capt. Agustin Fernandes
Ward 1