Tadev:  Dev boro dis dium, Simao titiv. Tum koso asa ani paskanchi porob koxi zali?

Simao: Tuka-I dium, Tadev. Porob ekdom bori zali. Devache kurpen sogllem borem zalem ani hea vorsak lokak kariavollinim bhag gheunk soeg mell’llo. Amchea Iadnik bhavanim zaito tokos ghetlo.

Tadev: Oi, titiv, xabaski tankam kiteak soglle sorkarache nem kaide pallun amcheo firgojecheo dhormik seva amkam sompeponnim favo zaleo.

Simao: Hea vorsak amchea ghorabeanim axirvad legun bore manddavollin zalo nhoim?

Tadev: Oi, amchea ghoramcher ani ghorabeachea vangddeancher, ho axirvad, amchea Iadnikamnim Povitr udok gheun ghatlo.

Simao: Sarkem tujem. Ho axirvad nhoich ghoracher, punn tantunt ravtolea vangddeamcher denvta, hem ami visrunk favona. Zaite pavtti jednam ghorant Iadnik ieta tednam ghorant konnuch asonam.

Tadev: Iadnik magnnem korun, povitr udok ximpddaun amcher axirvad ghalta, amche khatir prarthonam korta. Ho axirvad ghorachea vontticher asonam, oxem amche Iadnik bhav amkam sangtat.

Simao: He pavtti dor eka ghorabeak, ek povitr kel’lea udkachi battli dilea.  Ek bori kornni amchea Iadnik bhavanchi. Tuka povitr udkachi battli pavlea nhoim?

Tadev: Oi, amchea gonvllik sobhechea vangddeanim teo ghora-ghoranim pavoileat. Simao titiv, mhozo ek ixtt, apnnak ghora vhorunk thoddem povitr udok magtalo. Amchem thoddem kaddun,tem dusrea udkant missoll korun, taka dilear zata?

Simao: Nam,toxem korop sarkem na. Zai zalear dusrem udok Iadnik bhav povitr korun, axirad ghalun, tuka diunk raji astole, punn misoll korchem nhoi. Hi xikvonn amche Iadnik bhav amkam sodanch sangtat.

Tadev: Borem zalem, Simao titiv, tum mhaka mellun, zaiti mahiti mhaka mevli. Borem tor, vetam hanv,mhozo tution-ak vochpacho vell zalo.

Simao: Boro korun voch. Devan tujer axirvad ghalcho.

-Felix Dias