Simao: Dev boro dis dium Tadev.

Tadev: Tukai dium Simao titiv.Tum sokallim fuddem khoim gel’lo hea tonddechea disanim?

Simao: Vortomanpotr haddunk gel’lom.Tonddi khoim asa? Ek dis aslear,dusrea disa gorom zata Ani okosmat dov poddta.Tadev: Tem sarkem tujem.Thodde dis fattim,zaitea suatancher paus poddlo mhonn aikolam.

Simao: Oi, hea vorsa barai mhoineanim Goiant pavs poddlo- Janer tem Dezembr mhoineant pavs poddon itihas-so zalo.

Tadev: Hea fuddem anink kitem zait tem Devakuch thavem.Tuzo Natalam Ani Novea Vorsacho somorombh koso zalo titiv?

Simao:Amcho Ani koslo somorombh,amche te dis gele.Modianir Misak mat vochun ailom.Tumcho koso gelo tor? Tujea  Mama-k tunvem nevreo Ani ier vostu korunk Adar dilo mure?

Tadev: Amcho boro zalo,hanvem voddlo ghotto kelo.Maman sogleo vostu bazarant than addleo,zoxe porim cake,nevreo,kornbolam Ani ier sabar.Ghorant kainch korunk nam,noketr pasun bazarantlem.

Simao:Ho atancho sounsar.Adlea kallar soglem ghorant baztalem.Xezarim eka-mekak Adar dium urbhen kunsvad toiar kortalim zoxem manddare,ghons,kol-kol,nan- kattai,dodol,bebinca,dos Ani zaiteo ier ruchivont vostu.Amchea burgeaponnar ami hem soglem korunk urbhen bhag ghetalim.

Tadev: Heo sogleo vostu amchea ghorant asleo punn teo bazarantleo.Vostu korunk vo bhazunk hanvem hat-bott ghalunk nam Ani koxo kortat tem mhaka mat punn khobor nam.

Simao: Khobor koxo asteli? Toiar zal’leo vostu addleo dekhun tuka tem kollchenam.Ami bore urbhen tem korun aileanv.Bhaileo vostu bilkul nasleo.

Tadev: Tumi bhov noxibvont hem soglem onbhovunk.

Simao: Fuddle pavtt hanv tuka jerul kunsvad korunk xikoitam.

Tadev: Borem titiv.Natalam eunche adim hanv tuka iad kortolom mhaka xikounk.Atam vetam hanv,zaitem ami uloilem..mog asumdi.

Simao: Borem baba,boro korun voch.