Mogall Firgozkaramno,
Novembrachea mhoineant amchea ghorcheam meloleancho ani chodd korun magunk konn nasloleancho ugddas kortat. Hi ek ekdom bori vost. Punn hantunt mornnacho ugddas kortanam eke vatten bhirant dista ani akant ieta. Deva mhukar zhott’tti zatoli, formonn poddtolem ani kast asteli. Heo soglleo vostu khoreo ani sarkheo. Teach borobor bhiranticheo-i bi. Punn zonn ekleachem sonvsari jivit tor sarkhem asa zalear, kosli bhirant? Over confident bi zaunchem nhoi. Karann, dor zolmololo monis, zolmantuch oskot. Ani he oskotaiek lagun moniskullak patkachi odd asa (tendency to sin).

Mornnachi dusri bazu asa. Monis melea uprant tache soglle sonvsari uske, dukhi ani konti, koxtt ani voll-volle mornantlean sasnnak somptat. Monis Deva mukhar rup-rup ubo zata. Dev taka aple vengent gheta. Sasnnachem sukh ani Aplea borobor sasnnacho sontos bhogunk ieukar dita.

Prokasnnent (Book of Revelation) Povitr Pustok voilea sontosacho disttavo dakhoitanam anj boddveacho vhoddlo zomo songit, gaionam ani Devachi vakhann’nni korit asa mhonn sangta. Sorginchi khobor sangtanam Povitr Pustok chodd pavtt Razachea Kunvrachea lognak vo festachea vhoddlea jevnnak sor korta. Zhoim thoim roddnnem ani dukh aschem nam.

Hem sogllem voilem monant dhorit zalear ami mornnachi vatt polloit asunk favo. Bhirant nhoim, punn sorginchi axha dhorun.

Soglleam meloleancho ugddas korum-ia, tanche pasot magum-ia ani amche-i kuxechea mornnachea disa toiar ravum-ia.

Tumcho Padr Vigar,
Fr. Andrew Pereira