Mogall Firgozkaramno,

Ami he pautt soglleam von thondd ani ogeponnan natalam sarlim. Jezu zolmol’lo te pautt legun hache von odik ogeponnan sogllo lok aslo astolo. Punn ogeponnan sogllim boreponnan suru zalim.

Fattlea vorsa nhu aslem tem ghoddun ailam. Naka aslem tem lokan onnbhovlam. Kednanch chintunk naslem tem pollounk meulem. Soglli bhirant ani akant ieun ghelea.  Atam 2021 novem voros suru zalam. Soglle torechem zhuz fattim ghelam. Oxem mhonnlolem asa, “As long as I breathe, I hope.” Foujent zhuztolo dor ek zhuzari aplea nimannea vellar legun oxem mhonnta ani zhuzot ravta. Bhorvanso soddinam.

Fattlea mhoineani Goy-ant zaite toreche somajik proxonn aile. Thoddeant zobab meule. Thodde proxonn virgullun ghele ani thodde odik vaddle. Fattlem chintlear mon niraxi zata. Bhorvanso unnem zait veta. Adlem sorun Novem voros ieta tedna dor ekleak ek novo borvanso udeta. Novi axea monant nirmann zata. Sogllem dusrech toren dista. Dolleam mhukar novo rong dista. Surea vhodd dista. Dis loklokit zata. Kuddink novem boll ieta. Monant noveo ieuzonneo ieta. Hench soglleank onnbhovunk mellum.

Novea vorsa kitem kortolo tem zonn ekleachea hatant asa. Fattlem sogllem sorun ghelem. Tem amchea hatant nam. Punn novea vorsacho dis amchea hatant asa. “Tomorrow, is the first blank page of a 365-page book. Write a good one.” Brad Paisley.

Hea 2021 novea vorsa soglleank borem anvddetam.  Deva amkam soglleank hanga Goy-ant asloleank ani pordesant vavr kortolea ghorcheank rakhum ani sogllea vaittantli nivarum. Otmik toxem kuddi vatten boreponnam tumkam dium.

Happy New Year 2021.

Tumcho Vigar,
Fr. Andrew Pereira